Ukrayina işğal etilgen Qırımnı qıtaiy qısımnen teminlevden keskin şekilde ayırıp, Rusiye Federatsiyasınıñ logistika yollarına, arbiy obyektlerine ve kritik infrastrukturalarına darbe endirdi. Nevbetteki adım olaraq Qırım köprü ve yarımada ile naqliyat alâqasınıñ qalımtıları yoq etile bile.
İlk yaz ayınıñ 14-nde Suspilne efirinde Ukrayina ordusınıñ generalı, Ukrayina tış istihbarat hızmetiniñ yolbaşçısı (2005-2010 seneleri) Mıkola Malomoj bu aqqında ayttı.
"İlk evelâ biz duşman yedeklerine, logistika yollarına, şarqta, cenüpte ve işğal etilgen topraqlarda ayrı sektorlarnı temizlemek içün strategiyamıznı deñiştirdik. Bu Mariupol, Zaporijjâ, Herson, Qırımnıñ logistikanı aytsaq, yedeklerniñ arttırılmasını eksiltti. Herson vilâyetinde, şu cümleden Antony köpründe ve Hersonğa ücüm etüvde sistematik areketlerniñ yapılmasına yol berilmemesi aqqında söz yürsetile. Ve üçüncisi, ğayet müim ve strategik, bizler Qırımğa ketken bütün logistika yolunı qıtadan qapatamız. (...) Keriç köprüni ve parom keçitlerini elde etmek imkânımız bar. Bu resurslarnı yoq etip, biz Qırımnıñ bütünley qapalı sistemasını teşkil etemiz", — dep general tüşüne.
Onıñ aytqanına köre, şimdi Ukrayinanıñ bunıñ içün bütün resursları bar, ve o, kelişken vaqıtnı bekley.
"Ucümler farqlı çeşit raketalardan ola bile, uçaqsız uçaqlardan, suv, suv astı uçaqlarından yapılğan kütleviy ücümlerdir. Kompleks — bu köprü yıqılacaq, lâkin bu, strategik paromı olğan taqdirde olacaq. Bu köprü belli bir vaqıtqa kelecek", — dep Malomuj işandıra.
O şunı da qoşa ki, böyle ameliyatlarnıñ strategik psihologik tesiri bar.
"Rusiye endi Qırımnıñ telükesizligini temin etip olamay. Biz anda olğanlarnı köremiz — nevbetler, narazılıq ve panika", — general dedi.
Suspilne ağğa bergen izaatında o, Qırımnı işğalden qurtaruv şartlarına diqqat çekti.
"Beş ava limanı bar. Üçüniñ fiyatı tüşti, ekisi yarı yarıqta. Qırımnı temin etmege tırışqan ya da tırışacaq gemilerni yoq etecekmiz, biz ise Qara deñiz ve Azaq deñiziniñ bir qısmını nezaret etemiz, Herson vilâyetine ve umumen Ukrayina territoriyasına areket etecek raketa sistemaları, desant ücüm bölükleri, bizge raketa ve şahidlerni endirmek içün cenübiy regionğa tam nezaret etken REB, biz ise olarnı yoq eterek, yedeklerni toldurmağa ve atta tamir etmege imkân bermeycekmiz. Ve ileride Qırımnıñ sıñırlanması yarımadanıñ effektiv azat etilmesi içün şartlar yarata. Bu endi ekinci strategik basamaqtır, bizler munasip ameliyatlarnı azırlaymız", — Malomuj dedi.
General, 2014 senesinden berli Rusiye tarafından işğal etilgen Ermeni Bazarda ilk yaz ayınıñ 13-nde "Qırım Titani" himiyeviy zavodınıñ zarar körgenini izaatlap, bunıñ emiyetini añlattı. O, toz, raketa yaqarlığı ve patlayıcı maddelerniñ istisal etilmesinde qullanılğan titan dioksidini yapa. Bu — Şarqiy Avropanıñ eñ büyük titan zavodı.
"Bu, biz qurğan zavod. O, mudafaa sisteması içün pek qıymetli. Onıñ yoq etilmesi Rusiyeniñ arbiy qısmını zayıflata. Çünki yüksek doğrulıqta olğan er şey — raketa, uçurımsız uçaq sistemaları, bizim askerlerimizge ve strategik ittifaqdaşlarımızğa telükeli olğan er şey — titanğa muhtac", — dep arbiy añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı
