Qırımdaki işğalciler benzin qıtlığı ve uçaqlarnıñ ücüm telükesi sebebinden cemaat tedbirlerini lâğu ete.
Rusiye matbuatı ve "Qırım veter" nezaret kanalı bu aqqında yaza.
Hususan, Malahoyu kurganında Aqyar (Sevastopol) kününe qadar olğan merasim lâğu etildi. Bu aqta Aqyar (Sevastopol) mudafaa müzeyiniñ Rusiye kontrolindeki matbuat hızmeti bildire.
"Şeer sakinleri ve musafirleriniñ havfsızlığını temin etmek birinci nevbette turmaqta, şunıñ içün kütleviy tedbir keçirilmesinden vazgeçmege qarar alındı", — dep haberde aytıla.
İşğal etilgen Aqyarnıñ (Sevastopolnıñ) bediiy gimnastika federatsiyası eki tedbirniñ lâğu etilmesi aqqında bildirdi.
- "Sevastopol valsı" şeer sport yarışları.
- "Hersones efsaneleri" açıq turniriniñ.
"Şimdiki umumqırım vaziyeti (daimiy ava telükesi, AMS sistemasınıñ işi, logistika ve energiya resurslarınıñ bozuluvı) turnirlerniñ "qoruv" rejiminde bile telükesiz keçirilmesini kefil etmege imkân bermey. Yaqarlıq buhranı ise, hızmetlerniñ ketirüvini ve acele cevap berüvini qıyınlaştıra", — dep yaza "federatsiya".
Bundan da ğayrı, ilk yaz ayı 19-23 künleri keçirilmesi planlaştırılğan "Tuvğan yüreklerniñ yaldaması" tedbiri lâğu etildi.
Aynı zamanda işğal etilgen Aqyarda (Sevastopolda) ilk yaz ayı 12-ne rastkelgen "Rusiye künü" qayd etildi, dep Rusiye kontrolindeki şeerniñ gubernatorı Mihail Razvzayev bildirdi.
Hatırlatamız, qural aynıñ 24-nden ilk yaz ayınıñ 6-na qadar işğal etilgen Qırımda musafirhanelerniñ rezervasyonları, keçken seneniñ aynı müddetine köre, 31% eksildi.
"Qırım reintegratsiya assotsiatsiyası" Rusiye TravelLine musafirhane platformasına esaslanıp bu aqqında yaza.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı
