Rusiye ordusı vaqtınca işğal etilgen topraqlarda, hususan, Qırımda, ealini öz bölüklerine çağırmağa devam ete. İnsansız sistemalar bölüklerinde hızmet etmek içün añlaşma imzalağanlarğa maaşlarını arttırdılar: 1,5-2,5 million rublege.
Milliy muqavemet merkezi bunı bildirdi.
"MMMniñ malümatına köre, soñki yıllar işğalli akimiyet balalar ve gençlerniñ dronlarnen çalışmasına ögretmek içün resurslarnı ayırğanını köstere. Mekteplerde, kolleclerde ve arbiy-vatanperver teşkilâtlarda muntazam sürette profil taqımları, yarışlar ve oquv kursları keçirile edi. Şimdi bu sistema Rusiye Silâlı quvetlerine askerlikke aluv içün azırlıq basamağı olaraq çalışıp başladı", — dep haberde qayd etildi.
MMM qayd etti ki, UUA bölüklerinde hızmet etmeleri içün celp etilgenler bile UUA birleşmelerine avuştırıla ya da arbiy areketler alanında vazifelerni eda etmek içün qullanıla bile.
Hatırlatamız ki, çiçek ayında işğalciler işğal etilgen Qırımda "Artek" lagerinde "tasil kursları"nı başlattılar, anda gençlerge uçucısız uçaq aletlerini idare etmege ögretecekler. Sahte malümatqa qarşılıq merkezi bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
