Sevastopol şeerinde benzin içün QR-kodlar bir qaç saniyede satıldı

İlk yaz ayınıñ 7-nde aqşam saat 22:00-de rusiye messenceri MAX işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinlerine bugün, ilk yaz ayınıñ 8-nde, TES benzin stantsiyaları ağında 20 litr benzin almaq içün QR-kod generatsiyası imkânını açtı. Bir qaç saniyede işğalciler bu funktsiyanı qapattılar — bütün "kuponlar" bir anda satıldı. İşğalli organlarıböyle QR-kodnı er 7 künde bir kere almağa imkân bereler.

Telegramda işğalli Sevastopol (Aqyar) "gubernatorı" bu vaziyet aqqında tarif etti.

İşğalli memur bildirdi ki, ilk yaz ayınıñ 7-de 20 litr yaqarlıqqa QR-kod almaq imkânı bir kün evelkisinden çoq adamğa berilgenini, amma olarnıñ sayısı daa yetmey.

"TES" benzin stantsiyaları içün yarınki kodlarnıñ kölemi bugün tünevinden büyük edi. Olar bir qaç on saniyede satıldı. Men añlayım ki, bu çoq adamnı raatsızladı. Biz er kün kölemlerni arttırmaq içün çalışamız. (...) Hatırlatam ki, ertesi künü başqa kodnı generatsiya etmek imkânı berilecek. Böyleliknen, bugün kod alğanlar 7 kün devamında onı kene alamaycaq", — dep Razvojayev yazdı.

Onıñ aytqanına köre, benzin stantsiyasında işğalli akimiyetniñ vekilleri nevbetçilik eteler, olar bu QR-kodları olğanlar nevbetlerde az vaqıt keçirgenlerini közeteler.

Hatırlatamız ki, Sevastopolda talonlarnen benzin alması endi hususiy şahıslar içün mümkün degil — olardan tek kommunal hızmetler ve şeerniñ ayatiy faaliyetini teminlegen teşkilâtlar faydalanacaqlar. Sevastopol devlet yol inspektsiyası aydayıcılarnı yol qaidelerine riayet etmege ve benzin stantsiyalarında haoslı nevbetler yaratmamağa çağırdı.

Vaqtınca işğal etilgen Qırımda avtomobil yaqarlığı qıtlığı sebebinden onlayn platformalar vastasınen benzinniñ qanunsız satuvları ep küç ala. Qara bazarda Aİ-95 benzininiñ bir litri fiyatı endi 160 rublege (96 ğrn) yetti.

Qırım sakinleri kupon sisteması, benzin stantsiyalarında uzun nevbetler, benzinniñ bazıda 2–3 qat paalı olğan ekinci el tükânlarında fiyatlarnıñ keskin yükselmesi aqqında haber eteler.

Suspilne Qırımnıñ maqalesinde yarımada sakinleri tarif etkenleri kibi, yaqarlıq yetişmegeni sebebinden adamlar seferlerini eksiltmege ya da cemaat naqliyatına keçmege mecbur olalar. Benzinge irişmek ağırlaşmaqta, benzin stantsiyalarında vaziyet turğun olmağan alda olıp qala.

Bundan ğayrı, ''Dnepr'' rusiye askerler gruppasınıñ komandanlığı da işğal etilgen Qırımğa Rostovnı yarımadanen bağlağan R-280 avtomagistrali boyunca vatandaş naqliyetinen yaqarlıqnı taşımağa emir etti, dep ilk yaz ayınıñ 6-nde Cenüpniñ Mudafaa Quvetleri nutuqçısı Vladislav Voloşın "Ukrinform"ğa bildirdi. Onıñ sözlerine köre, bu, ukrayin arbiy hızmetçileriniñ benzin yük maşnalarına ücümlerinen bağlıdır, bunıñ içün yaqarlıq RF SQniñ bölüklerine yetmey.

Читати ще