Ukrayinada Qırımnıñ Aluşta şeer şurasınıñ "Yedinaya Rossiya" firqasınıñ "mebusı" duşmannen işdeşlikUkrayina CQniñ 111-1-nci maddesiniñ 5-nci qısmı yapqanı içün 8 yıllıq apis cezasına ğıyabiy şekilde mahküm etildi.
İlk yaz ayınıñ 3-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Facebook saifesinde bu aqqında haber berdi.
"2023 senesi çiçek ayında keçirilgen "saylavlar"nıñ neticelerine köre, mahküm etilgen adam "mebus mandatı"nı aldı ve "Aluşta şeer şurasınıñ şifahane-kurort kompleksiniñ inkişafı, turizm, sağlıq, tasil, medeniyet, gençlik siyaseti, sport, emek ve ealiniñ içtimaiy qoruv meseleleri eyyetiniñ reisi" vazifesine tayinlendi", — dep haberde qayd etildi.
Prokurorlıq mahküm etilgenniñ adını aytmadı, amma Suspilne Qırımnıñ malümatına köre, söz Oleksiy Ğoloşçapov aqqında kete.
Ukrayina havfsızlıq hızmetiniñ QMCdeki baş idaresiniñ qayd etkenine köre, mahküm etilgen adam "işğalli akimiyetniñ faaliyetine ve yarımadada istilâcı devletniñ qararlarınıñ amelge keçirilmesine yardım ete".
Hatırlatamız ki, işğal etilgen Qırımda "Yedinaya Rossiya" firqası diger fraktsiyalarnıñ işini felç etti. Siyasetşınasnıñ "Qırım.Aqiqat"qa anonim şekilde bildirgenine köre, bu polis ilk küz ayında keçirilecek Rusiye Devlet Dumasına saylavlar arfesinde memuriy resursnı qullana.
Daa evel UHH işğalli Qırım parlamentiniñ "mebusı" Volodımır Mertsalov üzerinde tahqiqatnı bitirdi. Onı Ukrayinada duşmannen işdeşlikte qabaatlap mahkeme etecekler. Tahqiqat malümatına köre, 2014 senesi o, "Qırım öz-özüni mudafaa etüvi" teşkil etilmesinde iştirak etti ve "Simferopol" ava limanınıñ zapt etilmesinde iştirak etti.
Saban ayında Qırım MC Yuqarı Şurasınıñ sabıq mebusı yarımadanıñ Rusiye tarafından işğalini qanuniyleştirgen rey berüvde iştirak etkeni içün 13 yılğa ğıyabiy şekilde mahküm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
