Qırım Muhtar Cumhuriyetiniñ Sudaq şeeriniñ sabıq prokurorınıñ muavini devlet hainligiUkrayina CQniñ 111-nc maddesiniñ 1-nci qısmınde qabaatlanıp mahkeme etilecek. Tahqiqatnıñ versiyasına köre, yarımada işğal etilgen soñ o, Rusiye akimiyetine hızmetke keçti ve qanunsız şekilde qurulğan uquq qorçalayıcı organlarında reberlik vazifesini aldı.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Taqiqatnıñ malümatına köre, 2014 senesi qabaatlanğan adam Ukrayina halqına sadıqlıq antını bozıp, Rusiyege keçti. Qırım işğal etilgen soñ, o, qanunsız sürette teşkil etilgen işğalli akimiyet organlarında hızmet etip başladı.
Prokurorlıqnıñ qayd etkenine köre, başta o, işğal etilgen yarımadada Rusiye tarafından teşkil etilgen "Qırım Cumhuriyetiniñ Krasnogvardiya rayon prokurorlığı"nıñ yolbaşçısı edi. 2019 senesi çiçek ayında "Qırım Cumhuriyetiniñ Canköy rayonı prokurorı" vazifesine tayinlendi.
Sabıq prokurornı 15 yılğa qadar azatlıqtan marum etüv cezası bekley.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
