Qırımdaki işğalciler yarım yıl devamında bir qaç arbiy poligon yerleşken Çauda burnuğa kirişni sıñırladılar. Sıñırlavlar ilk yaz ayı 1-den boş ay 30-ğa qadar devam etecek.
İşğalci FortPost neşiri yazğanına köre, bu yerde altı ay devamında arbiy talimler keçirilecek.
"Yerli akimiyetniñ malümatına köre, Çauda burnu rayonındaki poligonda altı ay devamında — ilk yaz ayı 1-den boş ay 30-ına qadar — "aviatsiya bölükleriniñ azırlanmasını temin etmek içün işler yapılacaq", — dep haberde aytıla.
2025 ve 2024 seneleri de aynı maqsatnen poligonlar yanındaki topraqlar altı ayğa qapatıldı.
Hatırlatamız, 2021 senesinde yıqılğan Qırımdaki Stangeyev yolu alâ daa turistler içün qapalı. İşğalciler Taraqtaş yolunı da qapattı.
Eki yolğa da tek rehberlernen barmaq mümkün. 2026 senesi çiçek ayında RİA "Novosti Qırım" işğalci teşkilâtınıñ müdiri Artur Murzahanovnıñ malümatına esaslanıp bu aqqında bildire.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı
