İşğal etilgen Aqyarda (SevatopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) A-92 ve A-95 markaları satılmay. İşğalciler bunı "logistika qıyınlıqları" ile añlatalar.
Yaqarlıq yoq olğanı aqqında Rusiye kontrolindeki gubernator Mıhaylo Razvajayev telegram saifesinde bu aqqında bildirdi.
Yaqarlıq ne vaqıt kelecegi aqqında aytmadı — yaqın vaqıtta, dep ayttı.
"Qırım veter" telegramma kanalı da benzinniñ yoqluğı aqqında yaza. Resurs malümatına köre, bazı benzin stantsiyalarında A-100 markalı yaqıt bar, fiyatı litrine 100 ruble.
Hatırlatamız, qural aynıñ 28-nde işğalci "yaqarlıq ve energetika naziri" Volodımır Voronkin vaziyetni açıqlamağa qarar aldı.
Onıñ aytqanına köre, mesele, ihtiyac artqanı içün benzin stantsiyalarınıñ yedeklerini toldurmaqta. Bu aqta RİA "Qırım haberleri" yaza.
"Tek — tehnikiy tedbirler, teessüf ki, insanlarnı biraz raatsızlay. Teşkilâtlar benzin stantsiyalarınıñ yedeklerini toldurıp olamay. Cumhuriyette yaqıtnıñ miqdarı bar, ve onı alıp keteler. Beklemek ya da başqa bir benzin noqtasını tapıp, anda yanacaqnı toldurmaq kerek", — Voronkin dedi.
Evel arbiy ekspert İvan Stupak Suspilne Qırımnıñ tefsirinde işğal etilgen yarımadada benzin qıtlığı arbiy areketlernen bağlı olğanını aytqan edi. Hususan, Qırımdaki quru koridorı üzerinde AB silâlı quvetleriniñ nezareti.
"Rusiye Federatsiyasında ukrayin ücümlerine qarşılıq köstermek imkânı şimdilik yoq, ve yaqılğan tehnika sayısı işğal etilgen Qırımda yaqıt qıtlığına sebep oldı. Elbette ki, rusiyeliler vaziyetten çıqış yolunı tapacaqlar, barjalar, paromlar, trenler olacaqtır, nasıl olsa da bunı yapacaqlar, amma bu, menimce, köstergiç bir neticedir", — dep Stupak tüşüne.
Onıñ aytqanına köre, Rusiye aydavcıları, hususan benzin vagonlarınıñ aydavcıları, "Rostov-na-Donu — Canköy" yolundan sipariş almağa red eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
