Ukrayina havfsızlıq hızmeti işğalli Qırım parlamentiniñ "mebusları"ndan birine dair tahqiqatnıñ yekünlengenini bildirdi. Onı Ukrayinada duşmannen işdeşlik Ukrayina CQniñ 111-1-nci maddesiniñ 5-nci qısmıçerçivesinde mahkeme etecekler.
UHHniñ Qırım Muhtar Cumhuriyetindeki Baş idaresi bunı bildirdi.
Tahqiqat malümatına köre, şübelengen 2014 senesi "Qırım öz-özüni mudaafa etüvi" teşkil etilmesinde ve "Simferopol" ava limanınıñ zapt etilmesinde iştirak etken edi. Şimdi ise o yarımadada siyasiy faaliyet alıp bara. Uquq qorçalayıcı organlarındaki bir menba, Vladimir Mercalov aqqında söz yürsetilgeni aqqında anonim şekilde Suspilne Qırımğa bildirdi.
"Havfsızlıq hızmeti "Qırım Cumhuriyeti devlet şurası"nıñ üçünci çağıruvınıñ erkânına kirgen daa bir işdeşlikçige dair mahkemeden evel tahqiqatnı yekünledi. 2014 senesi kiçik ayda cinayetçi duşmanğa qol tutqanı belli. O, "Qırım öz-özüni mudaafa etüvi" qanunsız silâlı birleşmesiniñ teşkil etilmesiniñ teşebbüsçisi edi ve "Simferopol" ava limanınıñ zapt etilmesinde doğrudan-doğru iştirak etti", — dep UHH yazdı.
Toplanğan deliller esasında o, Ukrayina Ceza qanunnamesiniñ 111-1 maddesiniñ 5-inci qısmına istinaden (duşmannen işdeşlik faaliyet) qabaatlana.
"Ukrayinanıñ nezaret etilmegen toprağında bulunğanı içün, oña qarşı yapılğan cinayetler içün mesüliyetke çekmek içün kompleks tedbirler alıp barıla", — dep UHH qoştı.
Vladimir Mertsalov aqqında ne bilemiz
Volodımır Mertsalov — sabıq ukrayin militsiya hadimi ve İçki işler nazirliginiñ Qırım Muhtar Cumhuriyetindeki hadimleri zenaat birliginiñ sabıq yolbaşçısı.
Qırımnıñ işğali vaqtında o, Qırımdaki Rusiye quvetçileriniñ areketlerini idare etti ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ava limanınıñ, UHH ve Ukrayinaa İçki işler nazirliginiñ idaresiniñ zapt etilmesinde iştirak etti, arbiy bölükler ve Arbiy deñiz quvetleriniñ Kıyiv baş idaresinen olarnıñ "teslim olması" aqqında muzakereler keçirdi.
2014 senesi mayısnıñ 9-nda, Qırım işğal etilgen soñ, Vladimir Putin Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Arbiy-deñiz quvetleri ştabında Mertsalovğa "Cesürlik nişanı"nı berdi.
2015 senesi arman ayınıñ 28-nde belli olmağan şahıslar tarafından köteklendi, bundan soñ qısmen körme qabiliyeti ve hatırasını ğayıp oldı, em de 2-nci gruppa saqatı oldı. Şimdi o, "Cenkte yaralanğanlarnıñ "Cenkçi" bölge teşkilâtınıñ Qırımdaki bölüginiñ yolbaşçısı ola.
2024 senesi ilk küz ayınıñ 12-den itibaren — "Qırım Cumhuriyeti Devlet şurası"nıñ üçünci çağırılışınıñ erkânına kire.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
