USQe para yollağanı içün mahküm etilgen 69 yaşındaki Ğalına Behterniñ sağlığı fenalaşa. O, öz-özüne hızmet etip olamay ve aştan vazgeçe. Qadınnı Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) 1-nci SİZOda tutalar.
Beraber tutulğan qadınlarnen yazışqan faalciniñ malümatına esaslanıp "Memorial" teşkilâtınıñ bildirgenine köre, onıñ dementsiyası kerginleşe.
"Qadınnıñ dementsiyağa oğrağanını tahmin eteler: o, sıq-sıq insanlarnen laf etmege toqtatıp, öz başına hızmet etip olamay. Behter de aştan vazgeçti, ve beraber tutulğan qadınlar oña mecburen aş bereler. Olarnıñ aytqanına köre, o "çıqmasın dep", onı masa yanında tutmaq kerek. Pensiyacı qadınnıñ ağırlığı pek alçaq", — dep "Memorial" yazdı.
Şaatlarnıñ aytqanına köre, Behterniñ alı apishanede fenalaştı — 2025 senesiniñ yazında onıñ dementsiya alâmetleri daa körünmey edi.
Faaliyetçi Dariya Kostromina Facebookta yazğanına köre, hastalıq pek tez inkişaf ete.
"O, yaramay alda buluna, aş aşamağa razı degil, onı elinden tutıp, sofrağa alıp ketemiz... Aqşamdan bütün qartopnı qaldıram, üylelikte er şeyni parçalayım, qızdıram ve ekimiz onı masa yanında tutamız, qaçmasın dep. Bazıda birinci qaşıqnı özümiz beremiz, onıñ tadını baqa ve eñ az yarısını aşay. Duş almay, çamaşır kiyip kirdi ve çamaşır kiyip çıqtı", — dep haberde qayd etildi.
2028 senesi saban ayınıñ 5-nde Behtar ukrayin ordusına para yollağanı sebebinden devlet hainligi maddesine — Rusiye Ceza qanunnamesiniñ 275-inci maddesine — umumiy rejimli müstemlekede 11 yılğa üküm etildi. Apiske alınğanına qadar pensioner Zaporijjâ vilâyetiniñ işğal etilgen qısmındaki Rayhenfeld köyünde (Plodorodne) yaşay edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
