Qırımtatar örnegi, 20 yıllıq Dünya nağış künü munasebetinen PrıvatBank ve İvan Ğonçar müzeyiniñ taqdim etkeni "Ridne" yañı raqamlı kollektsiyasınıñ bir parçası oldı. "Prıvat24" qullanmasında qullanıcılar kerçek ukrayin resimlerinen skinlerni saylay bileler.
PrıvatBank ve İvan Ğonçar müzeyi Instagramda bunı bildirdi.
Kolleksiyanıñ terkibine Ukrayinanıñ farqlı bölgeleriniñ ananeviy örnekleri, şu cümleden qırımtatar timsallerinen 25 skin kirdi. Leyha müellifleri qayd eteler ki, böyleliknen medeniy ukrayin mirası zemaneviy raqamlı alanğa kirsetildi.
Teşebbüs çerçivesinde Ukrayinanıñ bölge kimligini aks etken ananeviy timsalleri ve elementleri qullanıldı. Teşkilâtçılarnıñ aytqanına köre, bugün nağışlav tek ananeviy urba degil de, ukrayinlerniñ er künlik ayatınıñ bir parçasıdır — şimdi de smartfonda.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
