Vaqtınca işğal etilgen Qırımda eki yerli sakin "devlet hainligi" ve "casuslıq"ta qabaatlanıp mahküm etildi. İşğalli mahkeme qarar çıqardı.
İşğalli Qırım prokurorlığı bunı bildirdi.
Tahqiqatnıñ malümatına köre, Rusiye vatandaşı olğan adam "Ukrayina mahsus hızmetleriniñ vekili ile bağ qurdı ve Yaltada arbiy tehnika yerleştirilgeni aqqında malümat bermege razı oldı". Bu faaliyetke o "Ukrayina vatandaşı olğan qız arqadaşını celp etti".
Qayd etilgenine köre, 2024 senesi oraq ayında adam "arbiy tehnikanıñ fotoresimini çeke, qadın ise arbiy gemilerniñ videosını çeke edi". Toplanğan malümatnı "messencer vastasınen yolladılar".
Mahkeme adamğa sert rejimli müstemlekede 17 yılğa berdi, ondan soñ 1 yıl ve 8 ayğa azatlıqtan marum qaldırıldı. Qadın umumiy rejimli müstemlekede 15 yılğa üküm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
