Ruslarğa askerlikke çağıruv tedbirlerini amelge keçirmege yardım etken Qırımdan işğalli mahkemecige duşmannen işbirlik faaliyetinde ve cenk qanunları ve adetleriniñ bozuluvında şübe bildirildi. Qadın 15 yılğa qadar azatlıqtan marum qala bilir.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi. Tahqiqat malümatına köre, qadın Rusiye kontrolindeki Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) Demiryol rayon mahkemesiniñ mahkemecisi ola.
"2024 senesi ilk küz ayında o, Ukrayina vatandaşına qarşı cinaiy davanı baqıp çıqtı. Neticesinde o, adamnı "cinayet" yapqanında qabaatladı ve para cezasını berdi", — dep haberde qayd etildi.
"Mahkeme"niñ areketleri, Cenk vaqtında vatandaş ealisini qoruv aqqında şartnamesiniñ 4, 33, 51 ve 147-nci maddeleriniñ talaplarına, em de Jeneva şartnamesine I-nci Qoşma Protokolnıñ 85-inci maddesine zıt kele, dep prokurorlıq qayd etti.
Suspilne Qırımnıñ menbası, söz Natalâ Kvetkina aqqında ketkenini anonim şeklinde bildirdi.
Prokurorlıq hatırlata ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilenmegence, cinaiy cezağa oğratılmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
