Rusiye ordusınıñ komandanlığı, flotunıñ ğayıp oluvı ve hadimler qıtlığı sebebinden, RF Qara deñiz flotunıñ mütehassıslarını yañı yaratılğan insansız sistemalar ordularına (İSO) avuştırmağa qarar aldı. Aynı zamanda Rusiye arbiy dairelerinde flotnıñ komandanı olğan admiral Pinçuknı tenqit eteler.
"Ateş" arbiy-partizan areketi bunı bildirdi.
Areketniñ malümatına köre, Rusiye Arbiy Silâlı Quvetleriniñ komandanlığı Qara deñiz flotunıñ mütehassıslarını yañı yaratılğan insansız sistemalar ordularına avuştıra.
"Qara deñiz flotunıñ 475-inci ayrı radioelektron küreş merkeziniñ «ATEŞ» agenti bildirdi ki, RF Silâlı quvetleriniñ komandanlığı, arbiy deñiz mütehassıslarını yañı qurulğan insansız sistemalar ordusına (İSO) avuştırmağa qarar aldı. Bunıñ neticesinde flotnıñ çoq zararı oldı ve İSOnı toldurmaq kerek oldı — komandanlıq böyle etip erkânnıñ daa semereli qullanılacağına qarar berdi", — dep "Ateş" qayd ete.
Aynı zamanda areketniñ agentleri Rusiye Qara deñiz flotunıñ komandanı Sergey Pinçuknıñ Rusiye gemileri ve yalı bazalarınıñ zayıflığı sebebinden tenqit etkenini bildire.
"Admiral Pinçuknıñ komandanlığı şübhe altındadır — gemilerniñ ve yalıdaki bazalarnıñ qoruvını temin etip olamağanı endi içki mevzuğa keçti. Bu açıqtan-açıq muzakere etile, endi laflar degil — er kes añlay ki, o becermey, dep agent bildirdi. Mütehassıslarnı çıqarmaqtan ğayrı, onıñ vazifesinden boşatılması meselesi de baqıla. Sistematik idare etüv bozuluvları sebebinden flottan hadimlerniñ çıqarılması — RF Arbiy deñiz quvetleriniñ Qara deñizde bir sıra ğayıplardan soñ ne qadar cenk qabiliyetini coyğanınıñ açıq-aydın köstergiçidir", — dep areket bildirdi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
