"Diya" qullanımında "Bilogirsk" ("Karasuvbazar") — Qırımdaki şeerniñ yañı arbiy obligatsiyaları peyda oldı. Onıñ fiyatı — 1040 grivna, kârlılığı ise — 15,5% yıllıq, ödeme künü — 2027 senesi oraq ayınıñ 21-i.
Çiçek ayınıñ 28-nde Facebookta "Diya" devlet portalı bu aqqında haber etti.
Bondlarnı "Diya" mobil uyğulamalarında "arbiy obligatsiyalar" bölüginde satın almaq mümkün.
Er bir tahvilden elde etilgen para Mudafaa quvetleri ve iqtisadiy turğunlıqnıñ desteklenüvi içün sarf etile, dep bildire portalnıñ matbuat hızmeti. Ukrayinler endi "Diya" vastasınen 25,2 mln arbiy obligacionlarnı satın aldılar — bu ukrayin arbiylerine 26,1 mlrd ğrıvnâdan ziyade yardımdır, dep mında qoştılar.
Mütenasip hızmetni Ukrayina raqamlı deñişüv nazirligi, Ukrayina maliye nazirligi, Ukrayina Milliy bankı ve Ukrayina Milliy degerli kağızlar ve fond bazarı komissiyası amelge keçirdi.
Qural aynıñ 7-nde Qırımtatar resurs merkezinde bildirilgeni kibi, "Diyada" Qırımdaki meskün yerlerniñ adları ile arbiy obligatsiyalar endi işke tüşürildi: "Gurzuf", "Sudak", "Lazurne", "Jarılğaç", "Bağçasaray", "Kerç", "Canköy", "Yevpatoriya", em de "Feodosiya", "Alusta", "Sevastopol" ve "Livadiya".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
