Ukrayina İçki işler nazirliginiñ Qırımdaki içki ordularınıñ topraq komandanlığınıñ dört sabıq hadimi işğalli yarımadadaki rusiye strukturalarına keçip, devlet hainligiUkrayina CQniñ 111-nci maddesiniñ 1-nci qısmınde qabaatlanıp mahkeme etilecek.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqatnıñ malümatına köre, Qırım işğal etilgen soñ, qabaatlanğanlar Ukrayina İçki işler nazirliginiñ içki ordularınıñ qıtağa avuştırılması aqqında emirni red etip, yarımadada qaldılar. Bundan soñ olar Rusiye Federatsiyasınıñ komandanlığı altına keçtiler.
Tahqiqat, eki mabüsniñ RF Milliy gvardiya ordularınıñ Federal hızmetiniñ "ayrı arbiy qısım komandanları" vazifelerini alğanını belgiledi. Daa ekisi Rosgvardiyanıñ Sevastopol (Aqyar) şeerindeki "ştab yolbaşçısı — idare yolbaşçısınıñ muavini" ve "maddiy ve tehnikiy teminlev idaresiniñ muavini" oldı.
Uquq qorçalayıcı organlardaki bir menba, söz Babıç Ruslan Viktorovıç, Svırıdenko Serğiy Petrovıç, Stepançuk Vitaliy İvanovıç ve Bilevıç İğor Petrovıç aqqında yürsetilgenini bildirdi. Adamlar 15 yıllıq apis cezasına üküm etile bilirler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
