İşğal etilgen Qırımdan ububat taşığan ASOMATOS gemisi Mısırda bulunmağa ve boşatılmağa devam ete, Ukrayina tarafı ise vaziyetni muzakere ete.
Mayısnıñ 6-nda "Suspilne Studiya" canlı yayınında ''Barıştırıcı'' merkeziniñ "SeaKrime" leyhasınıñ jurnalisti Katerına Yaresko bu aqqında tarif etti.
Onıñ aytqanına köre, işğal erilgen Feodosiyadan (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adden) ketirilgen yük aqqında söz yürsetile, lâkin yükniñ boşatılması devam ete.
"Gemi alâ daa Mısırda buluna, yüküni boşata. O, işğal etilgen Feodosiyadan (Kefeden — terciman) ketirilgen boğdaynen toludır", — dep Yaresko tarif etti.
Onıñ qayd etkenine köre, halqara mesleatlar devam etkeni içün yükniñ soñki taqdiri belli degil.
"Şimdilik bir şey belli degil. Körgeniñiz kibi, muzakereler devam ete, çünki nazirniñ qayd etkenine köre, Mısırğa defalarca muracaat yollanıldı ve Baş prokurorlıqnıñ areketleri aqqında, çünki er şey devam ete. Biz devletlerara seviyede faal areketler esnasında bulunamız, olar, adet üzre, açıq degil, şunıñ içün neticelerni soñra bilecekmiz", — dep jurnalist bildirdi.
Onıñ sözlerine köre, bu kibi adiseler daa evel de qayd etilgen edi, amma olar sıq-sıq isbat bazasına bağlı ola.
"Añlamaq kerek ki, bizde iç bir vaqıt Rusiyede olğanı qadar delil olmaycaq, o, bu vesiqalarnı er angi şekilde bastıra — yañlış, sahte, doğru olmağan ve olar kerçek kibi körüne, çünki devlet qurulışı tarafından berilgen, bu devlet seviyesinde sahte malümat", — dep Yaresko qayd etti.
Jurnalistniñ aytqanına köre, böyle vaziyetlerniñ al etilmesi, bu yüklerni qabul etken memleketlerniñ nazar noqtasına ve ububatnıñ asılını teşkermege azır olğanlarına bağlıdır.
Hatırlatamız ki, tünevin Ukrayina tış işler naziri Andriy Sıbiğa, Mısırnıñ Abu-Kir limanında vaqtınca işğal etilgen Qırım üzerinden qanunsız sürette çıqarılğan aman-aman 27 biñ tonna ububat boşatılğanını bildirdi.
Telegram, WhatsApp, Facebook, TikTok ve YouTubede Suspilen Qırım haberlerine abune oluñız
