Mayısnıñ 4-nde işğal etilgen Qırımnıñ Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında elektrik yoq oldı.
"Krımenergo" işğalli şirketi Telegram kanalında bu aqqında haber etti.
Keriçte elektrik energiyasınıñ söndürilüvi Keriçniñ "Küneş" mikrorayonında, Nıjnöğirske qasabasında, Rozlıvı ve Plodove köylerinde qayd etildi.
Bundan da ğayrı, Bilğorod (Qarasuvbazar) rayonınıñ Zuya qasabası, Kurortne, Krasnoğorya, Balanovo, Verhni Oreşnıkı, Nıjni Oreşnıkı, Ukrayinka, Novojılivka, Volodımırivka ve Lıtvınenkove köylerinde elektrik yoq.
Bundan ğayrı, elektrik kesilüvi Simferopol (Aqmescit) rayonında qayd etile: Perevalne, Dobroye, Zariçne, ve Yevpatoriya (Kezlev) rayonında: Kirovske, Zadorne, Daleke, Zorâne.
"Brigadalar fevqulâde-tamir işlerini keçire. 3 saat içinde qullanıcılarnıñ elektrik teminatı tolusınen ğayrıdan tiklenecek", — dep haberde qayd etildi.
Hatırlatamız ki, işğal etilgen Qırımda mayısnıñ 4-ne furtuna havfı ilân etildi. Yağanaqlar beklenile, cenübiy, şarqiy rayonlarda ve dağlarda — pek küçlü yağanaqlar olur. Şimal-şarqiy yel 15-20 m/s, 25 m/s qadar küçlü olur.
Hatırlatamız ki, mayısnıñ 3 künü tahminen saat 05:48-de Qara deñizde 7,5 km terenlikte 1,5 baalı zelzele oldı. Soñki künü Türkiyeniñ civarında onlarca zelzele oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
