İşğal etilgen Keriçte Rusiye Federatsiyasınıñ qanunsız saylavlarında iştirak etken ve "şeer şurası"nda mandat alğan Ukrayina vatandaşı 9 yılğa ğıyabiy şekilde mahküm etildi.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeeri prokurorlığı bunı bildirdi.
Mahkeme, muhtariyet prokurorlarınıñ açıq qabaatlavı sebebinden işğal etilgen Keriç şeer şurasınıñ III-nci çağırılış "mebusı"nı duşmannen işbirlik faaliyetiUkrayina CQniñ 111-1-nci maddesiniñ 5-nci qısmınde qabaatladı.
Tahqiqatnıñ malümatına köre, 2024 senesi oraq ayında qadın "Yedinaya Rossiya" firqasından akimiyetniñ işğalli organına öz isteginen saylavlarda iştirak etti.
Prokurorlıqnıñ malümatına köre, o, saylav kampaniyasını faal sürette alıp bardı ve yerli sakinlerni onıñ namzetine qol tutmağa çağırdı.
2024 senesi ilk küz ayında qanunsız rey berüv neticesinde mahküm etilgen "mebus mandatı"nı aldı ve işğalli akimiyet organınıñ işinde iştirak etmege devam etti.
Mahkeme onı 9 yıllıq azatlıqtan marum etüv cezasına mahküm etti. Bundan ğayrı, onı 12 yıl devamında yerli idare organlarında vazife tutmaq aqqından marum qaldırdılar.
Uquq qorçalayıcı organlarındaki menbalarnıñ Suspilne Qırımğa aytqanına köre, söz Mayya Hujına aqqında kete.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
