İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad da) yerli sakin İnternette derc etkenleri içün umumiy rejimli müstemlekde 5,5 yıl apis cezasına mahküm etildi.
RİA "Novosti Krıma", FSBniñ Rusiye kontrolindeki Qırım ve Sevastopoldaki (Aqyardaki) idaresine atfı etip, bunı bildirdi.
Rusiye uquq qorçalayıcı organlarınıñ malümatına köre, adamnı "eki esaptan Telegramda tefsirlerni yerleştirgeni"nde qabaatladılar. İşğalli taraf iddia ete ki, mektüplerde "zorbalıq areketlerine ve Qırımnıñ astyapı obyektlerine zarar ketirüvine çağıruvlar" bar edi.
Dava baqılğan soñ, adam qabaatlı tanıldı ve umumiy rejimli müstemlekede 5 yıl 6 ayğa üküm etildi. Şimdilik üküm daa işke tüşürilmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
