İşğal etilgen Qırımda Rusiye quvet strukturaları "Ukrayina istihbaratı ile işbirlik yapqanında ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad da) Rusiye Mudafaa nazirliginiñ bölükleri yerleştirilgeni aqqında malümat toplağanı"nda qabaatlanğan adamnı tutqanını bildirdi.
RİA "Novosti Krıma", Rusiye kontrolindeki FSBniñ Qırım ve Sevastopoldaki (Aqyardaki) idaresine esaslanıp, bunı bildirdi.
Rusiye kontrolindeki FSB idaresi, 1995 senesi doğğan Rusiye Federatsiyasınıñ Volgograd vilâyetiniñ sakini aqqında söz ketkenini iddia ete. Adam "Ukrayina mahsus hızmetleriniñ vekili ile öz başına bağ qurdı".
İşğalli quvetçilerniñ versiyasına köre, tutulğan adam "kurator vazifesi boyunca Rusiye Mudafaa nazirliginiñ bölükleriniñ Sevastopolda yerleşüvi aqqında malümat toplay ve bere edi".
Adamğa qarşı "devlet hainligi" maddesine istinaden cinaiy dava açıldı. Rusiyege boysunğan mahkeme oña tevqif şeklinde tedbir aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
