İşğal etilgen Qırımda gemi qurucılığı şirketlerinde 500 işçi yoq. Vazifelerni toldurmaq içün, işke studentlerni celp etecekler.
ForPost işğalci neşiri yarımadanıñ Rusiye kontrolindeki sanayı nazirligine atfı etip bu aqqında bildire.
"Respublika Minpromından ForPostqa bildirilgeni kibi, al-azırda Qırım gemi qurucılığı şirketlerine tahminen 500 işçi kerek. Bu müendisler — leyha müendisleri, tehnologiya müendisleri, qurulış mütehassısları, maden gemilerniñ qurulış mütehassısları, raqamlı programma ile idare etilgen işhanelerniñ operatorları, qamaçav, elektrik mehanikleri, elektrik donatmalarınıñ montajcıları, elektrik qızdırıcıları, otçivler. Aynı zamanda bu mütehassıslarğa cumhuriyetniñ orta aylığından yüksek maaşlar teklif etile", — dep haberde aytıla.
Bu meseleni çezmek içün Keriçte B. Butomi adlı zavodnıñ territoriyasında işçilerni azırlaycaq yañı kafedra açıldı.
Hatırlatamız, 2026 senesine işğal etilgen Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) mekteplerinde 141 oca eksik olacaq, eñ büyük qıtlıq — emek (tehnologiyalar), matematika ve başlanğıç sınıflar ocalarıdır.
İşğalci tasil ve ilim departamentiniñ ForPost neşiri tarafından berilgen malümatqa bergen cevabında bu aqqında aytıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
