Qırımnıñ işğalci akimiyeti 2026 senesi çiçek ayında Keriç yarımadasınıñ tabiat qoruv territoriyalarına kiriş sıñırlavını devam etmege qarar aldı — Qazantip kirişindeki "Opukskıy" ve "Qazantip" qoruqlarına kiriş yasaq qalacaq.
Rusiyeniñ "Qoruma Qırım" müessisesiniñ matbuat hızmeti bu aqqında bildire.
Bundan evel, 2025 senesi çiçek ayı 1-den itibaren, işğalci memuriyet Opuk qoruğınıñ territoriyasını turistler içün qapattı. O vaqıt sıñırlavlar "siyasiy vaziyet" sebebinden belgisiz müddetke ilân etilgen edi.
Kazantip qoruğı 2025 senesi boş aynıñ 10-nda "sessiz rejimge" keçti. 2026 senesi çiçek ayında kirişni ğayrıdan tiklemege planlaştırılğan edi, amma öyle olmadı.
Teşkilâtnıñ matbuat hızmeti qayd etti ki, sıñırlavlar bu mevsimde de devam ete.
"Opuq ve Qazantip qoruqlarında tınçlıq rejimi devam ete. Bu mevsimde "Opukskıy" ve "Kazantipskiy" devlet tabiat qoruqları teşkil etilgen ziyaretler içün açıq olmaycaq. Sıñırlav müessiseden tış olğan sebeplerden kirsetildi", — dep müessisede bildirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
