İşğal etilgen Aqyarnıñ (SevastopolnıñRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) mekteplerinde 2026 senesine 141 oca yetmeycek, eñ büyük qıtlıq — tehnologiya, riyaziyat ve başlanğıç sınıflar ocaları. Bu problem endi bir qaç yıldan berli qayd etile.
İşğalci tasil ve ilim departamentiniñ ForPost neşriyatınıñ malümat soravına bergen cevabında bu aqqında aytıla.
Hususan, olarnıñ malümatına köre, 21 oca, 19 — riyaziyat, 14 — başlanğıç sınıflar, em de onlarnen diger fenler ocaları: rus tili, informatika, fizika, himiya, ingliz tili ve ilâhre.
ForPost rus tarafdarı olğan neşirniñ yazğanına köre, mesele sistematiktir. Böyleliknen, 2018 senesi Aqyarda (Sevastopolda) 426 mektep hocası vazifesi bar edi, 2021 senesi — 171, 2023 senesi — 399, bu sene ise — 141.
Matbuatta şunı da qayd eteler ki, açılğan bir boşluq bile balalarğa menfiy tesir ete bile — bazı sınıflarda talebeler ayrı fenler boyunca ocalarsız qala.
"Qızımnıñ yılnıñ başından berli coğrafiya hocası yoq — balalarğa derslikler berildi, o qadar. Diger ana-babalarnen beraber mektep reberligine muracaat ettik, tasil departamentine yazdıq - bizge cevap bereler ki, şimdilik problemni çezmege imkân yoq, amma eger bizde namzet olsa, onı quvandıracaqlar", — dep altıncı sınıf talebesiniñ anası Polina M tarif etti.
Kiçik ayında Qırımnıñ tasil, ilim ve gençlik naziri Valentina Lavrik yarımadada ocalar qıtlığı aqqında bildirdi — o vaqıt 280 fizika ve riyaziyat ocaları ve bala bağçalarında 573 ögretmen yetmey edi. Em de bala ruhiyatçıları, içtimaiy hadimleri ve logopedlerniñ vazifeleri açılmay qaldı.
Aynı ayda "Almenda" ukrayin vatandaşlıq maarif merkezi, işğal etilgen Qırımda 2026 senesine ukrayin tilini ana tili olaraq ögrengen 988 bala (0,4%) olğanını bildirdi. İşğalden evel yarımadanıñ 100% mektep talebesi ukrain tilini ögrene edi.
2025 senesi ilk qış ayında "Sarı şerit" cemaat areketiniñ bildirgenine köre, işğal etilgen Qırım mekteplerinde Ukrayinağa qarşı cenk iştirakçilerinden pedagogik tasilsiz "muallimler" peyda ola.
Daa evel Suspilne Qırım muarririyeti işğal etilgen Qırımda tibbiyet vaziyeti, hususan bu saada kadrlar qıtlığı aqqında tarif etken edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
