İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) 35-36 biñ tonna boğday yüklengen ZAID Rusiye gemisi İskenderiye (Mısır) limanında qabul etilmedi ve şimdi Türkiyege keldi.
''Barıştırıcı'' Merkeziniñ SeaKrime leyhasınıñ jurnalisti Katerına Yaresko bunı bildirdi.
Geminiñ yüklenüvi 2026 senesi sabannıñ 13-16 künleri ''Avlita'' mahsulat terminalında olıp keçti. Yükniñ ihracatçısı "Hlebkom" şirketi ola.
Çiçek ayınıñ 2-nde ZAİD İskenderiyeden Türkiyeniñ İskenderun şeerine yol aldı. Ertesi künü Mısır prezidenti bildirdi ki, memleket endi Rusiye tarafından ihracat etilgen Ukrayinanıñ vaqtınca işğal etilgen topraqlarından ububat qabul etmeycek.
Ukrayina Mudafaa nazirliginiñ Bİİ War&Sanctions portalınıñ malümatına köre, 2025 senesi boş aynın 25-nde Ukrayina ZAID gemisine qarşı sanktsiyalar kirsetti. 2025 senesi ilk qış ayınıñ 19-nda Avropa Birligi oña qarşı sanktsiyalar kirsetti, 2026 senesi qara qış ayının 13-nde ise İsviçre sanktsiyalarnı kirsetti.
Hatırlatamız ki, işğal etilgen Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) limanına kirgen "Grumant" Rusiye gemisi, Türkiyede boşatılmaq ıntıluvından soñ Liviyanıñ Bengazi limanına keldi. Katerına Yareskonıñ malümatına köre, geminiñ boşatılması mümkün olsa da, seferniñ keçiktirilmesi, logistika bozulması ve ayrı limanlarnıñ yükni qabul etmekten vazgeçüvi Rusiye içün iqtisadiy zarar ketire bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
