"Ateş" arbiy-partizan areketi, çeçek ayınıñ 4-nden itibaren işğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) ve Saq şeerlerinde elektrik söndürilgenini qayd etti. Yerli "akimiyet" "tehnologik sebepler" aqqında ayta, lâkin partizanlar kerçek sebepniñ sistemanıñ arbiy obyektlerniñ yüküni ve dronlarnı bastırğan radioelektronik küreşni dayanıp olamağanı qayd eteler.
Çeçek ayınıñ 10-nda areket, öz Facebook saifesinde bunı bildirdi.
"Çeçek ayınıñ 3-den 4-ne keçer gecesi şeer civarlarında energiya qarışıqlığı başlandı. Başta şahsiy sektorda elektrik söndürildi, 4-ünci künü saba saat 07:10 Yevpatoriya (Kezlev) şeerinde ise "kesüv aleti" çalıştı. Saq şeerinde — sert cedveller kirsetildi ve bozuluvlar bar", — dep "Ateş" agentleri qayd ettiler.
Olarnıñ aytqanlarına köre, bu arbiy ştablarda "telâş" doğurdı, çünki kütleviy şekilde söndürilgen kanallar arasında büyük bir dron ücüminiñ havfı peyda oldı.
Çeçek ayınıñ 4-nde Yevpatoriyada (Kezlevde) elektrik saat 11:00-ge qadar peyda oldı, amma soñra saat 16:00-da bir qaç saatke yoq oldı.
"Qırımnıñ şarqında mobil internet çalışmay, bütün ğarbiy Qırımda GPS yaramay çalışa. İşğalciler kökte közümizni "yoq etmege" tırışaraq, vatandaşlarımıznı bağsız qaldıralar. Elektriksiz qalğan er bir bazasıñıznı köremiz. Qırım — bu sıñır degil, bu bizim kontrol alanımızdır", — dep partizanlar bildirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
