İşğal etilgen Yaltadan Evelina Melniçuk 16 ay evelsi, Aqyardan (SevastopoldanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) Tetâna Dâkunovska 19 ay evelsi ğayıp oldı. Olarnıñ bulunğan yerini aq qorçalayıcılar ve tuvğanları ögrenmege tırışa edi. Olarnıñ qanunsız sürette Aqmescitniñ (Simferopolnıñ) tahqiqat izolâtorında tutulğanları ve "devlet hainliginde" qabaatlanğanları belli oldı.
Facebookta aq qorçalayıcı ve Qırımtatar resurs merkeziniñ (QRM) idarecisi Zarema Bariyeva bu aqqında bildirdi.
"Bugün haber etem ki, uzun müddet devamında "inkommunikado" statusında bulunğan daa eki qırımlı Aqmescitniñ SİZO-1 ve SİZO-2 apishanelerinde buluna — Yaltalı Evelina Melniçuk ve Aqyarlı Tetyana Dyakunovskaya", — dep Bariyeva yazdı.
İşğal etilgen Yaltadan Evelina Melniçuknıñ tarihı
Yaltada yaşağan 58 yaşındaki Evelina Melniçuk 16 aydan ziyade "incomunikado" statusında edi. Qırım sakini çoq yıllar devamında Sloveniya ve Ukrayinada yaşay edi. 2024 senesi boş ayınıñ 20-nde qadın 79 yaşında anası ile beraber işğal etilgen Qırımdan Rusiyeniñ Voronej şeerine yol aldı, andan ise Belorus üzerinden Sloveniyağa ketmege planlaştıra edi. Voronejge kelip, Evelina ve anası musafirhanede qaldılar. 2024 senesi boş ayınıñ 21-nden 22-ne keçer gecesi qadınnı Rusiye FSBsi hadimleri qanunsız tuttı.
"Evelinni ve anasını başlarına torba taqıp, qollarına kelepçeler qoyıp, maşnağa oturtıp, Aqmescitke qayttılar. Soñki sefer qartana qızını Franka bulvarındaki FSB binasınıñ merdivenlerinde körgen edi. Evelinanıñ anası ağır basqı neticesinde üç aydan soñ 2025 senesi kiçik ayda vefat etti. Bütün bu vaqıt devamında qoranta 58 yaşında qadınnıñ bulunğan yeri aqqında bir şey bilmey edi. Evelinanıñ Aqmescitteki №1 SİZOda bulunğanını bir qaç kün evelsi bildik", — baş imayeci dedi.
Bütün bu vaqıt devamında qadın tek tuvğanları ile bağdan marum qaldı, 16 ay izolâtorda bulunıp, advokatnıñ imayesine de irişip olamadı.
"O, FSB hadimleriniñ daimiy ruhiy basqısı altında edi. Evelin 275 maddesine istinaden "devlet hainligi"nde qabaatlandı. Rusiye Ceza kodeksine köre, bu madde 12 yıldan 20 yılğa qadar azatlıqtan marum etüv ya da ömür boyu apis cezasını belgiley", — dep uquq qoruyıcı añlattı.
İşğal etilgen Aqyardan Tatâna Dâkunovskanıñ tarihı
43 yaşındaki Tatâna Dâkunovska avgustnıñ 14-nde evinde keçirilgen tintüvden soñ FSB hadimleri tarafından tutulğan edi.
"Qadın 19 aydan berli "kommunikado" statusında edi. Onıñ tuvğanları onı qıdırmadı, amma yarımadanıñ akimiyet organlarına berilgen bütün muracaatlarğa aynı cevap keldi: böyle bir insan olarda yoq. Ve tek bir kün evelsi, işğalci Tatâna Dâkunovskanı qanunsız sürette Aqmescitniñ SİZO-2 apishanesinde tuta, dep eminliknen bildirdi. Qadın 275-inci madde boyunca qabaatlandı, onı "devlet hainliginde" qabaatladılar, — dep Bariyeva bildirdi.
Uquq qorçalayıcınıñ aytqanına köre, işğal etilgen Qırımda repressiyalarnıñ sebebi resmiy sebepler ola bile — ukrayin yırlarını cemaat yerlerinde, toylarda ya da atta açıq pencereleri olğan öz maşnasında icra etüv ya da diñlev, sarı ve mavı renklerniñ urbasında, interyer elementlerinde, manikürlerde ya da levhalarda qullanuv, eski videolarnı sevüv ya da paylaşuv ya da içtimaiy ağlarda izaatlar.
"FSB hadimleri subetlerde ve içtimaiy ağlarda nezaret eteler, atta yıllar evelsi yazılğan mesajlar içün davalar açalar. Çoqusı allarda Ukrayina topraq bütünligine qoltutqan sözler qullanıla. Jurnalistlerniñ sıq-sıq muracaat etüvi tarqalğan edi. Apiske alınğan qırımlı qadınlarnıñ çoqusı, işğal etken devletke sevgisi olğan qomşularnıñ ihbarcılarınıñ qurbanları oldı. İnsan qomşusınıñ şikâyetinden ya da çarşıda ya da tramvayda "şübeli" subetke rastkelgen bir adamdan soñ tutula bile. Teleradiokompaniyanıñ işini ya da infrastruktura obyektlerinde yüz bergen adiselerniñ aqibetlerini telefonğa çıqarmaq ıntıluvı sıq-sıq "mahsus hızmetlerge malümat berüv", "casuslıq" ya da "devlet hainligi" qabaatlavları ile yekünlene, bu ise Evelina ve Tetânada olğan şey", — Bariyeva dey.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
