Kıyiv vaqtına köre saat 11:00de işğal etilgen Qırımda Su-30 uçağı qazağa oğradı. Ekipajı atıp tüşti.
Rusiye Mudafaa nazirligine atfı etip, "İnterfaks" bu aqqında haber etti.
"Su-30 uçağı planlaştırılğan talim-idman uçuşı vaqtında qazağa oğradı. Uçaq silâsız uçtı. Uçaqnıñ ekipajı atıp tüşti ve qıdıruv-qurtaruv taqımı tarafından tahliye etildi. Uçucılar içün telüke yoq", — dep haberde qayd etildi.
Hatırlatamız ki, saban ayınıñ 31-nde Qırımda An-26 arbiy naqliyat uçağı qazağa oğradı. TASS agentliginiñ malümatına köre, uçaq qayağa uruldı ve 7 adamdan ibaret ekipaj ve 22 yolcu elâk oldı.
Bİİniñ Suspilne Qırımğa bildirgenine köre, uçaqta Şimaliy flotunıñ qarışıq aviatsiya korpusınıñ komandanı general-leytenant Aleksandr Otroşçenko bar edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
