İşğal etilgen Qırımda Rusiye ordusı içün UUAuçucısız uçaq aleti idarecilerini azırlav "DOSAAFRusiye Federatsiyası ordusına, aviatsiyasına ve flotuna yardım etüv göñülli cemiyeti" bazasında başlandı. Hatırlatamız ki, vaqtınca işğal etilgen topraqlarda (VİET) vatandaş ealisini askerlikke aluv ve zorbalıqnen celp etüv halqara gumanitar uquqnıñ qaba bozuluvı sayıla ve cenk cinayeti olaraq tasnif etile.
"Qırımda Sputnik" Rusiye radiosınıñ yayınında "teşkilâtnıñ bölge bölüginiñ yolbaşçısı" Andrey Popov birinci gruppanıñ toplanuvı aqqında bildirdi.
Potentsial operatorlar taqımı, Popovnıñ aytqanına köre, Qırımnıñ "DOSAAF" — "Rusiye Federatsiyası ordusına, aviatsiyasına ve flotuna yardım etüv göñülli cemiyeti" esasında toplandı.
"Hızlılıq asırı, tehnologiyalar devir i— tehnologiyası ve malümatı olğan, bunı eñ tez yapqan, er vaqıt yeñe. Bugün bütün insansız sistemalar yedi millik adımlarnen inkişaf ete. Ve bu içün aqıl kerek", — dep Popov ayttı.
Andrey Popov yarımadada sözde "DOSAAF"nı "idare ete". Ukrayinada onı Qırım sakinleri, şu cümleden balalar ve gençler arasında Rusiye ordusında hızmet etüv teşviqatında qabaatlaylar. Oña 12 yıllıq apis cezası üküm etile bile.
İşğal etilgen Qırımda "RF ordusına, aviatsiyasına ve flotuna yardım etüv göñülli cemiyeti" Qırım Muhtar Cumhuriyeti prokurorlığınıñ malümatına köre, şu cümleden "vatanperver terbiyelev" ve vatandaşlarnı Rusiye ordusında hızmet etmek içün arbiy azırlavnen oğraşa.
Ukrayina Prezidentiniñ 01.05.2025 tarihlı Fermanınen Popovğa qarşı sanktsiyalar qoyulmasına dair MHMŞMilliy Havfsızlıq ve Mudafaa şurası qararı işke tüşürildi.
Hatırlatamız ki, evel işğalli Qırım akimiyeti bildirdi ki, Rusiye ordusı içün uçucısız uçaq aletleriniñ idarecileriniñ azırlanmasını keñleştirmege planlaştıra. Olarnıñ bildirgenine köre, yılda 3 biñ Qırım sakinini oquycaqmız. 2025 senesi işğal etilgen Qırımda Rusiye ordusınıñ ihtiyacları içün 1,5 biñ insan uçucısız uçaq aletlerini idare etüv ögrenüvinden keçti. Böyle "kurslar"nıñ mezunları arbiy bölüklerge, mahsus hızmetlerge ve "Bars-Krım" bölüklerine yollanıla edi. Teñeştirmek içün, 2023 senesi, işğalli "mebus"nıñ malümatına köre, yarımadada UUAni idare etüv ögrenüvinden 15 adam keçti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
