İşğal etilgen Qırımda çeçek ayınıñ 1-nde aqşam elektrik yoq oldı. İşğalciler elektrik energiyasız qalğan doquz rayonnı belgilediler. Dronlar ücümini "Rossiya ağları" şirketi bildirdi. Çeçek ayınıñ 2-nde saba yarımadanıñ şimalinde ve şimaliy-ğarbiy qısmında elektrik yoq.
Çeçek ayınıñ 1-nde aqşam işğal "Krımenergo", "magistral ağlarında tehnologik bozuluvlar" aqqında haber etti.
"Canköy, Qurman, Perekop rayonlarınıñ qullanıcıları söndürildi. Brigadalar fevqulâde vaziyetni al etüv ve qurtaruv işlerini alıp baralar", — dep haberde qayd etildi.
Çeçek ayınıñ 2-nde saba Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) ve rayonınıñ bir qısmında, em de Perekop rayonında elektrik yoq.
İşğal etilgen Qırımda ağlar elektrik teminatını coyğanını "Rosseti" Rusiye holdingi tasdıqladı. Şirketniñ resmiy beyanatında qayd etilgenine köre, Qırımğa, Herson vilâyetiniñ işğal etilgen topraqlarına ve Zaporijjâ vilâyetine elektrik energiyasınıñ berilmesi dronlar ücümi sebebinden toqtatıldı.
"Rosseti" şirketiniñ energetikleri Herson ve Zaporijjâ vilâyetleriniñ ayrı rayonlarında ve Qırım Cumhuriyetinde elektrik energiyasınıñ berilmesini ğayrıdan tikleyler. İstegenler yedekleme shemalar boyunca adım-adım qoşula. Olarnıñ bir qısmında elektrik energiyası berilmesi endi tiklenildi. Ücümden soñ mütehassıslar energiya donatmalarını teşkerdiler. Facia ve qurtaruv işleri teşkil etile", — dep haberde qayd etildi.
"Qırım yeli vetr" monitoring Telegram kanalınıñ bildirgenine köre, gece saat 1-de Yevpatoriya (Kezlev) şeerinde elektrik söndürildi, "Kirovskiy" ava limanı yerleşken Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) rayonında, Qurman ve Perekop rayonlarında, Tavriya SES yerleşken Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) rayonında patlavlar eşitildi.
Haber etilgende Ukrayina tarafı işğal etilgen Qırımğa etilgen dron ücümini izaatlamadı. "Qırım ükümeti"niñ işğalli matbuat hızmeti, RF Mudafaa nazirliginiñ malümatına esaslanıp, Rusiye, Qırım, Qara ve Azaq deñizleri üzerinde 147 UUAni "tüşürgeni"ni bildirdi.
Hatırlatamız ki, Suspilne Qırım jurnalistleri işğal etilgen Qırımda 2026 senesi saban ayında tahminen elli ücüm qayd ettiler.
Suspilne Qırım subetdeşleriniñ fikirince, saban ayında yapılğan ücümler, ukrayin uzaq mesafeli qabiliyetiniñ arttıruvını köstere.
"Er ay devamında qabiliyetimizniñ artqanını köremiz, ve menimce, kelecek, bu yılnıñ ekinci çeriginde duşman toprağındaki obyektlerge daa da yahşı tesir dinamikasını kösterecekmiz. Bunı yapmaq içün bizge Ukrayina arbiy sanayısı ögünde turğan bütün planlarnı yerine ketirmek ve, elbette, qullanmaq içün bütün bu vastalarğa saip olmaq kerek", — dep arbiy mütehassıs Serğiy Kuzan qayd etti.
Ukrayina Mudafaa nazirliginiñ Baş istihbarat idaresiniñ vekili Yevheniy Yerin qayd ete: "Ukrayina Mudafaa quvetleri ve zarar berüv vastalarını inkişaf ettirmek içün çalışa, hususan, arbiy ya da eki maqsatlı kritik obyektlerge zarar ketirmek içün küreş usullarını mükemmelleştirmege devam ete".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
