İşğal etilgen Qırımda nıñ 30-nda ve martnıñ 31-nde saba yağmurlar, yağanaqlar tahmin etile, cenübiy-ğarbiy yel saniyede 15-20 metrge qadar küçlene bile.
Qırımnıñ fevqulâde vaziyetler nazirligi saban ayınıñ 29-nda Telegramda bu aqqında bildirdi.
Yerli sakinlerge bu müddet devamında dağlarğa, ormanlarğa ve yalı kenarlarını qaviyleştirgen inşaatlarğa çıqmamağa, elektrik uzatmalarınıñ ava hattlarınıñ bütünligine, tereklerniñ dallarına diqqat etmege, em de zayıf qaviyleştirilgen inşaatlar yanında bulunmamağa ve maşnalarnı park etmemege tevsiye eteler.
Daa evel işğal etilgen Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) saban ayınıñ 23-nde gece Korçagin soqağındaki mesken evde patlavdan soñ regional fevqulâde vaziyet rejimi ilân etilgen edi.
Hatırlatamız, kiçik ayda furtuna vaqtında işğal etilgen Sudaqta yalı kenarınıñ bir qısmı yıqıldı. Kurort şeeriniñ işğalci "başı" Kiril Çebışev, tamir işleri yazğa qadar yapılacaq, dep bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
