Saban ayınıñ 27-nde saba Qırım köpründe eki kere naqliyat areketi vaqtınca toqtatıldı, bunıñ neticesinde yol tıqanıqlığı peyda oldı ve eki tarafta da saatlerce nevbetler tizildi.
Köpürdeki operativ malümat bergen Telegram kanalında bu aqqında haber berildi.
Onıñ malümatına köre, köpürde ilk sefer Kıyiv vaqtına köre saat 4:08-de areket toqtatıldı. Saat 10:13 yolnı ğayrıdan açıp oldılar. Ekinci seferni 10:51-de toqtattılar. Sıñırlavlar 11:12 qadar devam etti, soñra naqliyat areketi ğayrıdan tiklendi. Qapatılmasınıñ sebepleri resmen añlatılmadı.
Saat 14:00-ğa qadar, berilgen malümatqa köre, Taman tarafında el teşkerüvi içün nevbette tahminen 220 maşina, Keriç tarafında ise — tahminen 500 maşina tura. Beklev müddeti tahminen eki saat ola.
Aynı vaqıtta "Qırım yeli" Telegram kanalı, bazı Rusiye yayınları "Storm Shadow raketalarınen raketa telükesi" aqqında yazğanını bildirdi.
Yerli Telegram kanalları köpürniñ yanındaki yollarda tıqanıqlıqlar bar olğanını haber etti. Olarnıñ malümatına köre, nevbet altı kilometrni teşkil ete edi, aydavcılarnıñ bildirgenine köre, keçüv içün beklev üç saatke qadar devam ete edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
