Sabannıñ 27-ne keçer gecesi Ukrayina Mudafaa quvetleri vaqtınca işğal etilgen Qırımda bir sıra Rusiye arbiy obyektlerine, şu cümleden radiolokatsiya kompleksine ve dronlarnı idare etüv stantsiyasına ücüm etti.
USQniñ Baş ştabı bu aqqında haber etti.
Ukrayina Mudafaa quvetleriniñ bildirgenine köre, Ğvardiyske rayonında "Valday" Rusiye radiolokatsiya kompleksi zarar kördi. Bu sistema, küçük dronlarnı tapmaq ve olarğa qarşılıq köstermek içün qurulğan.
Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad de) ukrayin arbiy hızmetçileri Rusiye ordusı tarafından UUAleriniñ işini idare etmek içün qullanılğan "Forpost" uçucısız uçaq aletleriniñ idare stantsiyasına ücüm etti.
Bundan ğayrı, ukrayin arbiy hızmetçileri Donetsk vilâyetiniñ vaqtınca işğal etilgen toprağında Olğınka rayonında Rusiye quvetleriniñ komandanlıq noqtasına ücüm etti. Manguş civarındaki duşmannıñ silâ anbarı, Donetsk vilâyetiniñ Rıbınske ve Zaporijjâ vilâyetiniñ Novoselivka rayonlarında maddiy-tehnikiy vastalarnıñ anbarları, em de Donetsk vilâyetiniñ vaqtınca işğal etilgen toprağındaki Dorojne mesken yeri civarında duşmannıñ şahsiy erkânınıñ toplaşuvı zarar kördi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
