Qırım Muhtar Cumhuriyeti Yuqarı Şurasınıñ sabıq mebusı devlet hainligiUkrayina CQniñ 111-nci maddesiniñ 1-nci qısmı ve yarımadanıñ işğaline qoltutqanı içün 13 yılğa ğıyabiy şekilde mahküm etildi.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeeri prokurorlığı bu aqqında haber berdi.
Prokurorlıqnıñ malümatına köre, prokurorlar isbatladılar ki, Ukrayina vatandaşı, 2014 senesi Rusiyeniñ Qırım işğaline qoltutqan qanunsız qararlarğa rey berüvde faal iştirak etti.
Şu cümleden, laf "umumiy Qırım referendumı"nı keçirüv qararları, "mustaqillik beyannamesi"ni qabul etüv, "Qırım Cumhuriyetiniñ aq halefi" aqqında qarar, em de qanunsız "Qırım Cumhuriyeti qanunnamesi"ni qabul etüvge qoltutması aqqında kete.
Prokurorlıqnıñ malümatına köre, bu qararlar işğal vaqiasını halqara cemaattan gizlemege yönelgen edi.
Bundan ğayrı, ögrenildi ki, yarımada işğal etilgen soñ adam rusiye akimiyetinen işdeşlik yapmağa devam etti ve 2014 senesi, şimdi de çalışqanı "Yedinaya Rossiya" fırqasından "Qırım Devlet şurası"nıñ mebusı mandatını aldı.
Uquq oqçrlayıcı organlardaki haberdar olğan menba Suspilne Qırımğa haber berdi ki, söz Smolânov Mıhaylo Olkesandrovıç aqqında yürsetile.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
