Saban ayınıñ 18-nde saat 13:31-de işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ava telükesi ilân etildi. İşğalli akimiyetniñ vekilleri şeerniñ şimaliy qısmında dron tüşürilgeni aqqında bildirdi. İçtimaiy ağlarda Belbek ava limanı yanında patlav aqqında şaatlar yazalar.
Telegramda işğalli Sevastopol (Aqyar) "gubernatorı" Razvojayev rusiye AMSAva mudafaası sistemasınıñ işi aqqında yazdı.
"Sevastopolda arbiy hızmetçiler USQniñ ücümini toqtatalar, mobil ateş gruppaları ve AMS çalışa. Şimal tarafında eki ava maqsadı uruldı. Havfsızlıq tedbirlerine riayet etiñiz, açıq yerlerni terk etiñiz ve telükesiz yerlerde bulunıñız", — dep beyanatta qayd etildi.
"Qırım yeli" monitoring Telegram kanalı Belbek ava limanında küçlü patlav aqqında bildire. Onıñ malümatına köre, arbiy obyektke doğru acele yardım maşinaları ketken.
Ukrayina işğal etilgen Sevastopolğa (Aqyarğa) ücüm aqqında neşir etilgende izaat bermedi.
Hatırlatamız ki, sabana yınıñ 18-nde "Ateş" arbiy-partizan areketi, onıñ agentleri Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarında qızdırıcı vagonnı bozğanlarını ve Zaporijjâ yönelişinde Rusiye ordusınıñ berilmesini blok etkenlerini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
