USQniñ Baş ştabı, Rusiye Qara deñiz flotunıñ 15-nci ayrı yalı raketa brigadasınıñ raketa divizionınıñ bulunğanı rayonğa ücüm etkenini bildirdi. O, işğal etilgen Qırımnıñ VerhnökurğanneQırımnıñ Biloğirsk (Qarasuvbazar) rayonı yanında ''Bastion'' yalı raketa kompleksine (YRK) saiptir. Mahsus operatsiyalar quvetleriniñ malümatına köre, saban ayınıñ 17-ne keçer gecesi bu meskün yerde raketa kompleksleri idare noqtası ve mobil ateş gruppası, Şkilne, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında ise dron S-400 zenit-raketa sistemasınıñ gizli elementlerinden birine urdı.
Ukrayina Silâlı quvetleriniñ Baş ştabı Facebookta bunı bildirdi.
"Rusiye istilâcısınıñ ücüm potansiyelini eksiltüv çerçivesinde saban ayınıñ 16-nda ve saban ayınıñ 17-ne keçer gecesi Ukrayina Mudafaa quvetleriniñ bölükleri duşmannıñ müim arbiy obyektlerine zarar ketirdi. Böylece, hususan, Qara deñiz flotunıñ Verhnökurğanne (VİE Qırım MC) yanındaki (''Bastion'' YRKne saip olğan) 15 ayrı yalı raketa brigadasınıñ raketa divizionınıñ bulunğanı rayon zarar kördi", — dep haberde qayd etildi.
Rusiye Mudafaa nazirligi, o gece Qırım üzerinde 18 dron ve Azaq deñizi üzerinde daa 12 dron urğanını bildirdi.
Mahsus operatsiyalar quvetleri, saban ayınıñ 17-ne keçer gecesi Middle-strike bölükleri işğal etilgen Qırım ve Zaporijjâ toprağında Rusiye arbiy obyektlerine ücüm etkenini qoştı.
"Verhnökurğannedeki duşmannıñ raketa kompleksleriniñ kontrol noqtası ve mobil ateş gruppası zarar kördi. Şkilnede MOQniñ dronı vastasınen S-400 zenit-raketa sistemasınıñ elementlerinden biri zarar kördi", — dep haberde qayd etildi.
Bundan ğayrı, USQniñ Baş ştabı, saban ayınıñ 16-sı ve 17-sinde olğan muvafaqiyetli ücümler aqqında bildireler:
- Rusiyeniñ Brânsk vilâyetinde "TOR-M2U" zenit raketa kompleksi,
- Herson vilâyetiniñ VİETında Geniçeska Ğirka rayonında UUAleriniñ idman merkezi;
- Melitopoldaki yaqarlıq ve yağ malzemeleri anbarı;
- Stepne ve Terpinnâ civarındaki silâ anbarları, Zaporijjâ vilâyetiniñ Gülaypole ve Obratne civarındaki uçucısız uçaq aletleriniñ idare noqtaları;
- Rusiye ordusınıñ "canlı küçü"niñ Çasovıy Yar civarında toplanğanı yer ve Donetsk vilâyetiniñ Manguş rayonındaki bağ noqtası.
Hatırlatamız ki, işğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) akimiyeti saban ayınıñ 16-nda gece ukrayin uçucısız uçaq aletleri ücüm etkenini bildirdi. Rusiye Mudafaa nazirligi Qırımda üç ukrayin dronını tüşürgenini bildirdi, "Qırım yeli" nezaret Telegram kanalınıñ analitikleri ise, Rusiye arbiy hızmetçileri yerleşe bilecek Arabat Beli rayonındaki pansionatlarda yanğınnı qayd ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
