Rusiyeniñ Qırımda qanunsız referendumnı keçirmesiniñ on ekinci yıllığında Türkiye Tış işler nazirligi bildirdi ki, yarımadadaki şimdiki vaziyetni tanımaz ve Ukrayinanıñ mustaqilligi, suvereniteti ve topraq bütünligine qol tuta. Bundan ğayrı, qırımtatarlarnıñ vaziyetine ayrıca diqqat ayırıla.
Türkiye Cumhuriyeti TİN öz saytında arizanı derc etti.
Rusiye Federatsiyasınıñ Ukrayina Qırım Muhtar Cumhuriyetini qanunsız bir referandumnıñ neticesinde işğalniñ on ekinci yıllığında, halqarar uquqqa qarşı şimkidi vaziyeti tanımağanımıznı bir kere daa qayd etemiz. Ukrayinanıñ mustaqilligi, suvereniteti ve topraq bütünligine quvetli destegi devam etken ülkemiz, Qırım Tatar Türkleriniñ vaziyeti başta olmaq üzere Yarımadadaki vaziyetni yaqından taqip eterek kün mevzusında tutmağa sürdirecektir", — dep qayd etildi.
Türkiye hatırlattı ki, Qırımnıñ işğali ve sahte referendumnı tanımaz. 2026 senesi saban ayınıñ 16-sı. сайт МЗС Туреччини
Daa evel Suspilne Qırım 2014 senesi Qırımda qanunsız referendum nasıl keçirilgenini talil etken şaat ve mğtehassıslarnen laf etti, anda yarımadanıñ Rusiyege "qoşulması" içün reylerniñ 80%-i ve 97%-i beriddi. Bu aqqında tafsilâtlıca "Başta aqıllarnı, soñra yarımadanı zapt etmege tırıştılar": 10 yıl evel Rusiye Qırımda sahte referendum keçirdi" adlı maqalede oquñız.
Hatırlatamız ki, bugün işğal etilgen Qırımda "Sarı şerit" areketiniñ faalcileri yarımadanıñ farqlı köşelerinde ukrayin timsalleri ve levhalarnı tarqatıp, qanunsız referendum keçirilmesine qarşı çıqqanlarını bildirdiler.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
