Saban ayınıñ 14-nde gece Ukrayina istihbaratınıñ askerleri "Keriç parom keçitiniñ" esas elementlerini teşkil etken "Slavânin" Rusiye demiryol paromı ve "Avangard" gemisine ücüm etti.
Bİİ matbuat hızmeti bu aqqında bildire.
Anda, olar işten çıqarılğanını bildirdiler. "Slavânin" ve "Avangrad" işğalciler tarafından Ukrayinağa qarşı cenkke qarşı cenkte qullanıldı.
"Bu gemiler Keriç parom keçitiniñ esas elementleri edi ve istilâcınıñ deñiz arbiy logistikasında müim rol oynay ediler — hususan, silâ, arbiy tehnika, silâ taşuvı aqqında söz yürsetile", — dep istihbaratta aytıla.
Hatırlatamız, saban ayınıñ 14-ne keçer gecesi MOQ işğal etilgen Qırımda Rusiye ordusınıñ arbiy obyektlerine ücüm etti. "İskander" raketa kompleksleriniñ noqtaları ve duşmannıñ radar stantsiyaları zarar kördi.
Daa evel mahsus operatsiyalar quvetleriniñ "Deep-strike" bölükleri Rusiyeniñ Keriç boğazınıñ tarafında Çuşka şeerindeki "Kavkaz" limanına ücüm etti. Onı rusiyeliler işğal etilgen Qırım ile alâqalar içün qullana. O, cenk çatışuv çizgisinden aman-aman 300 km uzaqlıqta buluna.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
