Saban ayınıñ 14-ne keçer gecesi Ukrayina mahsus operatsiyaları quvetleri vaqtınca işğal etilgen Qırımda Rusiye ordusınıñ arbiy obyektlerine ücüm etti. Zarar körgen obyektler arasında "İskander" raketa kompleksleriniñ noqtaları ve duşman radar stantsiyaları bar.
USQ Baş ştabı bu aqqında haber etti.
Ukrayina Mudafaa quvetleriniñ bölükleri işğal etilgen Qırımda Kurortne mesken yeri civarında "İskander" operativ-taktik raketa komplekslerinen silâlanğan Rusiye Federatsiyasınıñ ayrı raketa brigadasınıñ bölükleri yerleşken rayonına ücüm etti.
Bundan da ğayrı, Vışneve qasabası yanındaki İskander başlanğıç qurulışınıñ zarar körgeni aqqında haber etile.
Bundan ğayrı, ukrayin arbiyleri duşmannıñ ava mudafaası vastalarına ücüm etti. Şu cümleden, vaqtınca işğal etilgen Qırımnıñ Gvardiya rayonındaki "Nebo-U" radiolokatsiya stantsiyası zarar kördi.
USQ Mahsus Operatsiyalar quvetleriniñ bildirgenine köre, bu "İskanderler" Ukrayina şeerlerine raketalarnı endirmek içün azırlana edi.
"Bir "İskander" uçuş cihazı, Vışneve köyü, Qırım VİET yaqınlarında yoq etildi. Maşina endi qoyulğan yerden çıqarılğan edi ve orman tozunda gizlengen edi. Başlatıcı qurulış raketalarnen donatılğan edi ve onı ekipaj hızmet ete edi. Mahsus Operatsiyalar quvetleriniñ bir qaç uçaqları obyektni muvafaqiyetnen urdı, silâsınıñ ekinci patlavı qayd etildi", — dep müessisede qayd ettiler.
Aynı zamanda Kurortne köyünde "İskander" silâsınıñ saqlanuv noqtasını tapmağa yerli muqavemet areketiniñ vekilleri yardım etti.
"Mahsus operatsiyalar quvetleri maşnalar qoyulğan yerge muvafaqiyetnen urdı. Bir qaç uçaq maqsadına yetip oldı", — dep ukrayin arbiyleri bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
