Rusiyeniñ Cenübiy bölgesiniñ arbiy mahkemesi işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini internette "zorbalıq ve ücümlerge çağıruvlar"nı yazğanı içün dört yılğa mahküm etti.
RİA "Novosti Krıma", mahkemeniñ matbuat hızmetine atfı etip, bu aqqında yazdı.
Mahkeme malümatına köre, 2024 senesi mayısnıñ 28-nde adam Sevastopolda (Aqyarda) bulunıp, "Rusiyeniñ Belgorod vilâyetindeki ticaret merkezlerini yoq etmege çağırğan başqa bir qullanıcınıñ İnternette derc etken tefsirini qaldırdı".
Mahkemede qayd etilgenine köre, 2024 senesi arman ayında o, "SVO" zonasında Rusiye arbiy hızmetçilerine qarşı zorbalıq areketlerine çağıruvlarnen mesajlar derc etti.
Mahkeme onı qabaatlı tanıp, oña umumiy rejimli tüzetüv müstemlekesinde dört yıllıq apis cezasını berdi.
Üküm daa qanuniy quvetini almadı ve taraflar onı Arbiy Apellâtsiya mahkemesinde şikâyet ettire bileler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
