İşğal etilgen Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 45 mektebi balalarnı atış yarışlarına yolladı. İşğalciler turnirni "Vatan imayecisi künü" Rusiye bayramına bağışladılar.
Saban ayınıñ 2-nde işğalli Simferopol (Aqmescit) memuriyeti Telegramda bunı bildirdi.
İşğal etilgen Simferopolnıñ (Aqmescitniñ) mektep talebeleri kiçik aynıñ 26-da pnevmatik silâdan atış yarışında iştirak ettiler.
"Simferopolnıñ umumtasil mektepleriniñ talebeleri arasında Vatan imayecisi kününe bağışlanğan tedbir teşkil etildi. Yarışlar DOSAAF bölge bölüklerine berilgen üç yerde keçti: Bala parkında yerleşken pnevmatik tirda, "FM" ticaret merkezinde "İrbis" arbiy-vatanperver klubınıñ tirinde, em de "Zavodskeye" ava limanındaki DOSAAF oquv merkezinde", — dep işğalli memuriyet añlattı.
"Simferopol memuriyeti"niΩñ yayınında balalarnen "Qırım Cumhuriyetinde RF ordusına, aviatsiyasına ve flotuna yardım etüv göñülli cemiyeti"niñ (DOSAAF) bölge bölüginiñ reberi fotoğa çekildi. Ukrayinada onı cenk qanunları ve adetlerini bozğanında (Ukrayina Ceza qanunnamesiniñ 438-inci maddesiniñ 1-inci qısmı) ve aqlağanında, qanuniy olaraq tanığanında, Rusiye Federatsiyasınıñ Ukrayinağa qarşı silâlı tecavuzını red etkeninde (Ukrayina Ceza qanunnamesiniñ 436-2-inci maddesiniñ 3-ünci qısmı) qabaatlaylar. O, 12 yılğa üküm etile bile. Dava mahkemege yollanıldı.
Rusiye menbaları ve açıq cedvellerine köre, o, Popov Andrey Aleksandroviçtir. Bİİniñ malümatına köre, o Qırımlı.
"O, Qırım sakinleri, şu cümleden balalar ve gençler arasında Rusiye Federatsiyasınıñ silâlı quvetlerinde ve diger arbiy teşkilâtlarında hızmet etüv teşviqatını teşkil ete ve kerçekleştire. İşğal etilgen topraqlarda istilâcı devletniñ siyasetini yerine ketirgen qabaatlanğan 2022-2023 seneleri "Krım 24" Rusiye tarafdarı telekanalına bergen intervyü seriyasında iştirak etip, yarımadada RF "DOSAAF" faaliyetiniñ "miqyası ve semereliligi" aqqında tarif etti, bundan da ğayrı, ukrayin balalarınıñ duşman ordusında hızmet etmesi içün celp etilüvini açıq şekilde destekledi", — dep QMC prokurorlığı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
