İşğal etilgen Qırımda Luğansk sanat mektebiniñ 57 yaşındaki müdiri Marına Kovalenko altı aydan ziyade Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 2-nci SİZOda bütünley izolâtsiyada tutula edi. Şimdi o, ''devlet hainligi''nde qabaatlana.
Cezalandıruv hızmetindeki menba "Tribunal. Qırım epizodı" uquq qorçalayıcı teşebbüsine bu aqqında haber etti.
Uquq qorçalayıcınıñ aytqanlarına köre, Marına Kovalenko 2025 senesi ilk yaz ayınıñ 10-da Aluştada hırsızlanğan edi. Menbanıñ malümatına köre, qadın ''Ukrayina Silâlı Quvetlerine maddiy yardım etmek''te şübelene. O, altı aydan ziyade Simferopolnıñ (Aqmescitniñ) 2-nci SİZOda bütünley izolâtsiyada tutula edi, eki afta evelsi ise 1-nci SİZOğa avuştırıldı.
"İşğal etilgen topraqlardan insanlarnı qaçırmaq halqara uquq tarafından cenk cinayetleri olaraq mutlaqa açıqtan-açıq tanıla. Mahküm etilgen Qırım sakinleriniñ sözlerinden belli olğan şaraitte insanlarnı bütünley izolâtsiyada tutmaqnıñ insaniyetsiz munasebet olaraq baqılmaq içün er bir sebebi bar, bu da cenk cinayetidir", — dep teşebbüs añlattı.
Hatırlatamız ki, 2026 senesi qara qış ayında işğal etilgen Qırımda eñ az 2 tintüv, 4 tutuv, 9 apske alınuv ve beden ve ruhiy sağlığınıñ eñ yüksek irişilgen standartına aqqını bozğan 9 vaqia qayd etildi. Bundan da ğayrı, bir ay devamında işğalli mahkemeler yarımada sakinlerine bir sıra cezalar çıqardılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
