"Ateş" arbiy-partizan areketiniñ agentleri işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarında Rusiye radioelektron küreş kompleksleriniñ antennalarını bozğanlarını bildirdiler. Diversiya Ğonçarne köyü yanında etildi — sektorda duşman REBiniñ işi bütünley toqtatıldı.
Areket Telegramda bunı bildirdi.
Partizanlarnıñ malümatına köre, qullede radioelektron küreş kompleksleriniñ antennaları yerleştirilgen edi, olar bu sektorda ukrayin dronları içün manialar yarata edi. Agentler quvet elektronikası ve yüksek sıqlıqlı kabellerniñ yerleşkeni qulleniñ temelindeki reley dolaplarını yaqtılar.
Bu astyapı zarar körgen soñ, qulleniñ üstündeki antennalar çalışamaz — signal artıq berilmey. Böyle donatmanıñ ğayrıdan tiklenmesi büyük resurslar, vaqıt ve maliye talap ete, dep areket bildirdi.
Neticesinde, bu rayonda REBniñ işi bütünley toqtatıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
