Kiçik aynıñ 23-nden 24-ne keçer gecesi Qara deñiz ve Qırım üzerinde patlavlar oldı. Kiçik aynıñ 23 künü Ukrayina vaqtına köre saat 22:00-dan saat 6:00-ğa qadar AMS yarımadanıñ üzerinde 26 UUAni urıp tüşürdi.
RF Mudafaa nazirligi bunı bildirdi.
Rusiye nazirligi, Qara deñiz üzerinde 15 UUA ve işğal etilgen Qırımda daa 11 UUA tüşürilgenini iddia ete.
"Qırım yeli" Telegram kanalı Keriçte patlavlar eşitilgenini bildirdi. Bundan ğayrı, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Saq şeerlerinde üç küçlü patlav aqqında haber etildi. Telegram kanalınıñ malümatına köre, "Belbek" ve "qaçı" ava limanları civarında rusiye AMS çalışa edi — "Pantsir" ve zıddiyet qurulışlarınıñ atışları eşitile edi, kök raketalarnen aydınlatıla edi.
Hatırlatamız ki, kiçik aynıñ 23 künü işğal etilgen Qırımda Rusiye Federatsiyası Qara deñiz flotunıñ ''Bastion'' ÜRKe saip olğan 15-nci ayrı yalı raketa brigadasınıñ raketa divizionı yerleşken rayonı ücüm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
