"Ateş" arbiy-partizan areketi, Ukrayina mudafaa quvetleriniñ soñki darbelerinden soñ işğal etilgen Qırımda "Saq" ava limanında faallikniñ eksilmesini qayd ete.
"Ateş" areketi Telegramda bu aqqında bildire.
"ATEŞ" areketiniñ agentleri Novofedorivka köyündeki "Saq" arbiy ava limanında uçuş faalliginiñ keskin eksilmesini qayd ete. Ukrayina Mudafaa quvetleriniñ bir sıra darbe darbelerinden soñ işğalciler tehnikalarnı pekitilgen anbarlarğa alıp keteler ve başqa meydançıqlarğa avuştıralar. RF Silâlı quvetleriniñ 43-ünci ayrı deñiz ücüm aviatsiya polku yerleşken ava limanı çalışmağa devam ete, amma pek sıñırlı — ve bu, hususan, bizim istihbarat işimizniñ neticesidir", — dep haberde aytıla.
"Ateş" malümatına köre, ava limanında Su-30SM çoq maqsatlı qırıcıları, Qara deñizni nezaret etmek içün Su-24M/MR cebe bombardıman uçaqları, "Orion" ve "Forpost" istihbarat-zarar UUAları, An-26 naqliyat uçaqları ve Mi-8, Ka-27/29/52 vertolötları yerleşken. Bu maqsatlarnen bizim istihbaratımız AŞPA-ğa doğru darbe endirmek içün yardım ete.
Hatırlatamız, kiçik aynıñ 20-ne keçer gecesi Ukrayina Mudafaa quvetleri işğal etilgen Qırımda Rusiye maddiy-tehnikiy vastalarınıñ anbarına urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
