İşğal etilgen Sudaqta yalı kenarınıñ bir qısmı deñizde furtuna neticesinde yıqıldı — anda 2023 senesi şahsiy yatırımcı tarafından abadanlaştıruv işleri yapıldı. Kurort şeeriniñ işğalli "başı" Kiril Çebışev bildirdi ki, tamir işleri yazğa qadar yapılacaq.
O, RİA "Novosti Krım" muarririyetine bunı bildirdi.
Kiçik aynıñ 18-nde saba Sudaq sakinleri içtimaiy ağlarda, fırtına Atlas daireleri civarındaki yalı kenarınıñ bir qısmını yoq etkenini bildirdiler.
"Yarımada "Atlas" daireleriniñ civarında yıqıldı, yatırımcı bu yerde abadanlaştıruv işlerini alıp barğan edi. Bu küçlü furtuna neticesinde oldı", — dep işğalli memuriyetniñ yolbaşçısı bildirdi.
Onıñ aytqanına köre, tamir işleri boyunca añlaşmalar alıp barıla.
"Şimdi bu meseleni muzakere etemiz. Büyük ihtimalnen, yatırımcı bu topraqnıñ ğayrıdan tiklenmesi içün borc alacaq. Bu qısım kurort mevsimi başlamadan evel tertipke ketirilecek. Bundan ğayrı, anda federal programması boyunca abadanlaştıruvnıñ ekinci basamağı planlaştırıla", — dep Çebışev ayttı.
Hatırlatamız ki, qara qış ayında işğalciler bu yalı kenarınıñ diger qısmını qapatıp, işni oraq ayınıñ 1-ge qadar bitirmege vade etken ediler.
İşğalli qurtarıcılar kiçik aynıñ 18-nde aqşam ve kiçikniñ 19-nda kündüz yağmur, qar ve yağmur beklenile, dep ilân etip, işğal altındaki Qırımda fevqulâde ava şaraiti aqqında fevqulâde haberdarlıqnı ilân ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
