Siyasiy mabüs Anatoliy Kobzarnıñ qolunı işkence vaqtında işğalciler qırdı

İşğal etilgen Qırımda FSB apishanelerinde aman-aman eki yıl devamında tutulğan qırımlı siyasiy mabüs Anatoliy Kobzarı Rusiye quvetçileriniñ tarafından muntazam sürette işkencege oğrata. Qara qış ayındaki soñki işkence vaqtında aqaynıñ qolunı qırdılar. İşğalciler oña "devlet hainligi" içün 20 yıl apis cezasını berdi.

Kiçik aynıñ 14-nde Facebookta Qırımtatar resurs merkeziniñ reisi Eskender Bariyev bu aqqında bildirdi.

"İlk cerrah olaraq bilem ki, böyle sıqıntılar içün ameliyat kerek. Böyle şaraitlerde ameliyat aqqında laf bile ketmey. Malümatımızğa köre, oña gips qoyuldı ve qara qış ayınıñ 29-nda çıqarılmaq kerek edi. Amma bunı tek kiçik aynıñ 9-nda yaptılar", — dep o qayd etti.

Hatırlatamız, 2024 senesi saban ayınıñ 5-nde aqay Bağçasarayğa işke ketti, amma evge qaytmadı. Ertesi künü aqay qorantasınen yaşağan evinde FSB hadimleri tintüv keçirdi.

2025 senesi ekim ayınıñ 12-nde Qırımtatar resurs merkeziniñ malümatına köre, Kobzar bütün bu vaqıt devamında Aqmescitniñ (SimferopolnıñRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) №8 SİZOsında buluna edi.

Bundan evel Suspilne Qırım Kоbzarnıñ tatası Nataliya Fluristen ve QRM reisi Eskender Bariyevden ukrayinliniñ zorbalıqnen ğayıp oluvınıñ tafsilâtlarını ögrendi.