Ukrayina mahkemesi, duşmannen işbirlikUkrayina CQniñ 111-1-nci maddesiniñ 5-nci qısmı yapqanı içün işğal etilgen Qırımnıñ "Keriç memuriyetiniñ yolbaşçısı"nı 8 yılğa ğıyabiy şekilde mahküm etti. O, 2025 senesi orta küz ayında işğalli akimiyet organlarında bu vazifeni göñülli olaraq qabul etti ve bugünge qadar anda çalışa.
Kiçik aynıñ 11-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokurorlığı bunı bildirdi.
Bundan da ğayrı, adamğa 12 yıl devamında yerli memuriyet organlarında vazifelerini eda etmege yasaq etildi ve mal-mülki müsadere etildi.
Müessise mahküm etilgenniñ adını aytmadı, lâkin Suspilne Qırımnıñ menbaları anonimlik şartınen söz Oleğ Katorgin aqqında yürsetkenini bildirdiler.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
