İşğalli Qırım mahkemeleriniñ işinde bir bozuluv oldı. Hususan, olarnıñ saytlarında mahkeme işleriniñ malümatları, şu cümleden oturışuv cedvelleri yoq oldı. Bundan ğayrı, kiçik aynıñ 9-nda Qırım "Yuqarı mahkemesi"niñ resmiy elektron poçtası çalışmay.
Kiçik aynıñ 11-nde "Tribunal. Qırım epizodı" uquq qorçalayıcı teşebbüsi bu aqqında haber etti.
Bu, bütün şeer ve rayon "mahkemeleri", em de işğal etilgen Qırım garnizon arbiy mahkemesine tesir etti. Bu arada Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) "mahkeme müessiseleri" toqtamayıp çalışa.
Qırım "Yuqarı mahkemesi" Ukraiynada yasaq etilgen "VKontakte" Rusiye içtimaiy ağında öz saifesinde, elektron poçta ile olğan çatışma aqqında haber etti.
Uquq qorçalayıcılar hatırlattılar ki, bu ilk adise degil: 2024 senesi Rusiyeniñ vesiqalar sisteması da hırsızlandı, ve o vaqıt elektron hızmetler bir qaç ay devamında çalışmay edi, bu da toplaşuvlarnıñ kütleviy surette keçirilmesine sebep oldı.
"Tribunal" mütehassısları, belgisiz hakerler sistemanı qırmazdan evel bütün malümatnı yüklegenlerine ümüt eteler, ve bu malümat Qırım mahkemelerinden arbiy cinayetçilerge nisbeten yahşı delil bazasını teşkil etecegine ümüt eteler", — dep haberde qayd etildi.
Daa evel "Ateş" partizan areketiniñ bölügi — "Kiber Ateş" işğal etilgen Qırımnıñ esas bilet saytı — Kassa24-ni qırdı, dep bildirdi. (Simferopol) AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad, (Sevastopol) Aqyar ve Yaltadaki kontsertlerge biletlerni satqan resurs çalışmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
