Kiçik aynıñ 2-nde işğal etilgen Qırımda qazalar sebebinden Keriç, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Canköy rayonlarında elektrik söndürildi. 19 meskün yerniñ sakinleri elektriksiz qaldı.
Kiçik aynıñ 2-nde saba işğalli "Krımenergo" Telegramda bunı bildirdi.
"Fevqulâde vaziyetten kesilüv: Keriç (Lenin) rayonı — Şçolkine, Mısove, Zavodske, Luğove, Katerlez (Voykove), Bondarenkove, Kurortne; Yevpatoriya (Saq) rayonı — Mıtâev, Prıbrerejne; Simferopol rayonı — Novoandriyivka, Harıtonivka; Canköy rayonı — Novokrımske, Pavlivka, İstoçne, Lazurne, Lobanove, Totove", — dep haberde qayd etildi.
İşğalli energetiklerniñ malümatına köre, elektrik teminatınıñ ğayrıdan tiklenmesi eñ az üç saatke uzanacaq.
Hatırlatamız ki, kiçik aynıñ 2-nde işğal etilgen Qırımda küçlü yel, qar ve qıyın ava şaraiti sebebinden furtuna havfı ilân etildi. Ava vaziyeti fenalaşqanı sebebinden sakinlerge dağ ve ormanlarğa çıqmamağa, aydavcılarğa ise diqqatlı olmağa, tezlik rejimine, mesafege riayet etmege ve keskin manevralardan saqınmağa çağıralar. Ay Petri dağı keçiti de qapatılğanı aqqında haber etile.
"Qırım gidrometeomerkeziniñ malümatına köre, kiçik aynıñ 2-de Qırımda 15-20 m/s tezliginde şimaliy-şarqiy yelniñ quvetleşmesi beklenile. Kün devamında qar yağacaq, cenübiy rayonlarda yağmur yağacaq, bazı yerlerde küçlü yağanaqlar olacaq. Küçlü qarlı yel beklenile, yağmur ve buzlavuq olacaq", — dep işğalli Qırım FVN bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
